Oktyabrın 21-də Ermənistanda “KTMT-dən çıxış” təşəbbüsünün üzvləri parlamentin spikeri Alen Simonyana parlament dinləmələrinin keçirilməsi təklifi ilə bəyanat göndəriblər.

Bu barədə “Hraparak” nəşri məlumat yayıb.

Mövzu Ermənistanın təhlükəsizliyi məsələləri, xüsusən də KTMT-dən çıxmaq üçün ictimai tələbin müzakirəsi olub.

Bəyanat həmçinin xarici əlaqələr, müdafiə və təhlükəsizlik məsələləri, dövlət-hüquq məsələləri, regional inteqrasiya və Avrasiya inteqrasiyası məsələləri, insan hüquqlarının müdafiəsi və ictimai məsələlər üzrə daimi komissiyaların rəhbərlərinə ünvanlanıb.