Azərbaycan Xarici İşlər Nazirliyi (XİN) Yerusəlim şəhərində baş verən terror aktı ilə bağlı İsrailə başsağlığı verib.

XİN bununla bağlı öz rəsmi tviter hesabında paylaşım edib:

“Həlak olan şəxsin yaxınlarına başsağlığı verir, yaralıların isə tezliklə sağalmasını diləyirik. Azərbaycan terrorun bütün forma və təzahürlərini qəti şəkildə qınayırıq”.

Xatırladaq ki, bu gün Yerusəlimdə iki partlayış baş verib. Nəticədə 1 nəfər həlak olub, daha 22 nəfər isə yaralanıb. İsrail polisi partlayışları terror hücumu adlandırıb.