“Ukraynadakı xüsusi hərbi əməliyyat uzunmüddətli proses ola bilər”.

Bunu Rusiya Prezidenti Vladimir Putin deyib.

“Xüsusi hərbi əməliyyatın nəticələrinə gəlincə, təbii ki, bu uzun proses ola bilər. Amma sonra qeyd etdiniz ki, yeni ərazilər yaranıb. Bu, Rusiya üçün çox əhəmiyyətli nəticədir, bu, ciddi məsələdir”, - Rusiya Prezidenti bildirib.

Putin həmçinin Azov dənizinin Rusiyanın daxili su hövzəsinə çevrildiyini də qeyd edib:

“Düzünü desəm, Azov dənizi Rusiya Federasiyasının daxili dənizinə çevrildi, bunlar ciddi şeylərdir. Çar I Pyotr hələ də Azov dənizinə çatmaq üçün mübarizə aparırdı”.