Yaponiya Ukrayna Prezidenti Volodimir Zelenskini mayın 19-21-də Xirosimada keçiriləcək G7 sammitində onlayn formatda iştiraka dəvət etməyi planlaşdırır.

Bu barədə “Nikkei” qəzeti məlumat yayıb.

Elmau sammitində olduğu kimi, Yaponiya da “Yeddilik” qrupuna sədrlik edən ölkə kimi Ukrayna probleminin intensiv müzakirəsinə şərait yaratmaq istəyir. Qəzetin yazdığına görə, Tokio üçün G7-nin Ukraynada koordinasiyası Tayvanla bağlı mümkün münaqişəyə hazırlıq üçün mühüm addımdır. Yaponiya hesab edir ki, belə bir münaqişə baş verərsə, o, birbaşa olaraq bu münaqişədə iştirak edəcək ABŞ və Avropa ilə birlikdə Çinə, Rusiya Federasiyasına münasibətdə olduğu kimi, tez, sərt cavab verəcək.