Ukrayna Prezidenti Aparatının müşaviri Aleksey Arestoviç istefa ərizəsi yazıb.
O, ərizənin fotosunu özünün sosial şəbəkə hesabında yayıb və məlumatı paylaşıb.
“Mən istefa ərizəsi yazdım.
Mən sivil davranış nümunəsi göstərmək istəyirəm:
- fundamental səhv, və istefa”, - o bildirib.

Qeyd edək ki, Ukraynanın Dnepr şəhəri yanvarın 15-də Rusiya tərəfindən raket hücumuna məruz qalıb, nəticədə 40-dan çox mülki şəxs ölüb. Arestoviçin hadisə ilə bağlı məlumatın yayılmasında ölkənin təhlükəsizliyinə ziyan vuracaq şərh verdiyi iddia olunur. Ukrayna Ali Radasının deputatları onun istefası ilə bağlı imzatoplama kampaniyasına başlayıb.
A. Arestoviç 2020-ci il dekabrın 20-dən Ukrayna Prezident Ofisi başçısının müşaviri vəzifəsində işləyir.