Xəbər verdiyimiz kimi, bu gün Türkiyədə “altılı masa”nın növbəti iclası keçirilib.

Görüşdə tərəflərin ortaq namizəd çıxarmaq barədə razılığa gəldiyi, namizədin adının 6 martda açıqlanacağı bildirilib.

Bundan sonra ortaq namizədin kim olması ilə bağlı kulis məlumatları ortaya atılıb.

“Halk” TV öz mənbələrinə istinadla masada ortaq namizəd kimi CHP (Cümhuriyyət Xalq Partiyası) lideri Kamal Kılıçdaroğlunun adının təqdim edildiyini bildirib.

İddiada əlavə olunub ki, tərəflər K. Kılıçdaroğlunu ortaq namizəd kimi qəbul edib. Yalnız İYİ partiyanın sədri Meral Akşenər məsələ ilə bağlı partiyası ilə müzakirə üçün vaxt istəyib.