Ermənistan tərəfinin təşəbbüsü ilə Rusiya Prezidenti Vladimir Putin Ermənistanın Baş naziri Nikol Paşinyanla telefon danışığı aparıb.

Bu barədə “Kremlin” məlumat yayıb.

Bildirilib ki, Rusiya, Ermənistan və Azərbaycan liderləri arasında 2020-2022-ci illərdə məlum sazişlərin bütün kompleksinin həyata keçirilməsinin praktiki aspektləri, o cümlədən Ermənistan-Azərbaycan sərhədində sabitliyin və təhlükəsizliyin təmin edilməsi, regionda iqtisadi və nəqliyyat əlaqələrinin bərpası və Ermənistanla Azərbaycan arasında sülh müqaviləsinin hazırlanması üçün addımlar nəzərdən keçirilib.

Qarabağ ətrafında mövcud vəziyyətin müzakirəsi zamanı Putin bütün yaranan məsələlərin konstruktiv şəkildə, tərəflərin Rusiya sülhməramlıları ilə sıx təmasda və qarşılıqlı fəaliyyətində həllinin vacibliyini vurğulayıb.