ABŞ Prezidenti Co Bayden 2024-cü ildə yenidən seçilmək üçün namizədliyini irəli sürməyi düşünür.

Bayden bu haqda Ağ Evdə keçirilən Pasxa proqramı çərçivəsində qonaq olduğu “NBC News”a danışıb.

2024-cü ildə keçiriləcək prezident seçkilərində iştirak edib-etməyəcəyi ilə bağlı suala Bayden, “Mən namizədliyimi irəli sürməyi planlaşdırıram, lakin hələlik bunu elan etməyə hazır deyilik”, -cavabını verdi.

Qeyd edək ki, məşhur yazıçı Marianne Villiamson Baydenin Demokratik Partiyasından namizədliyini rəsmi olaraq elan edən ilk şəxs olub.

ABŞ-nin keçmiş prezidenti Con Kennedinin qardaşı oğlu, vəkil kiçik Robert Kennedinin də seçkilərdə namizədliyini rəsmən elan edəcəyi gözlənilir.

Respublikaçılar Partiyasından namizədliyini açıqlayan adlar arasında ABŞ-nin keçmiş prezidenti Donald Tramp, ABŞ-nin BMT-dəki keçmiş daimi nümayəndəsi Nikki Heyli, siyasətçi Stiv Laffi, gənc multimilyonçu Vivek Ramasvami və iş adamı Perri Conson da var.