Metyu Miller ABŞ Dövlət Departamentinin yeni mətbuat katibi təyin edilib.

Bu barədə ABŞ dövlət katibi Entoni Blinken məlumat verib.

"Bu gün mən Metyu Milleri Dövlət Departamentinin mətbuat katibi təyin edirəm. Namizədliyimin (Dövlət Katibi vəzifəsinə - red.) irəli sürülməsinə rəhbərlik edən Mettin o vaxt müdrikliyindən, hökumətdəki təcrübəsindən və xarici siyasətə dair dərin anlayışından çox faydalandım", - Blinkenin açıqlamasında deyilib.

O qeyd edib ki, Rusiyanın Ukraynada keçirdiyi müharibənin ilk aylarında Miller Ağ Evdə Milli Təhlükəsizlik Şurasının komandasına qoşulub və burada Ukraynada hökumətin kommunikasiyalarına və təbliğat işlərinə rəhbərlik edib.

Xatırladaq ki, daha öncə Dövlət Departamentinin keçmiş mətbuat katibi Ned Praysın tutduğu vəzifəni tərk edərək departamentdə başqa vəzifəyə keçəcəyi bildirilib.