"İran tarix boyu qonşularına həmişə xüsusi hörmət göstərmiş böyük ölkədir. İranın şimal-qərb qonşuları, o cümlədən Azərbaycan Respublikası ilə çoxlu ümumi cəhətləri var və biz bu ölkəyə həmişə hörmətlə yanaşmışıq".

Bu sözləri İran İslam Şurası sədrinin müavini Əli Nikzad son aylarda gərginləşmiş İran-Azərbaycan münasibətləri danışarkən deyib.

Ə.Nikzad daha sonra deyib: "Onlar (Azərbaycan tərəfi nəzərdə tutulur) bilməlidirlər ki, İslam inqilabının qələbəsindən sonra İranın qonşularından biri səhv etdi və səkkiz illik müqəddəs müdafiə dövründə bir çox ölkələrin dəstəyinə baxmayaraq, hərəkətə keçə, İrana qarşı çıxa bilmədi, ona görə də bizim Azərbaycanın dövlət xadimlərinə tövsiyəmiz budur: mehriban qonşuluq və qarşılıqlı hörməti qoruyub saxlamaq və hörmət etmək”.

Göründüyü kimi, iranlı siyasətçi mehriban qonşuluq münasibətlərindən danışarkən də, İran-İraq müharibəsini xatırldaraq sətiraltı təhdid sovurur.