Avropa Şurası Rusiyanı Ukrayna münaqişəsinə görə məsuliyyətə cəlb etmək istəyir

Mayın 16-da və 17-də İslandiyada keçiriləcək Avropa Şurasının sammitində Avropa liderləri Ukrayna münaqişəsinə görə Rusiyanın məsuliyyət daşıması mexanizminin yaradılmasını müzakirə edəcəklər. 

Sammitin sonuna kimi “Rusiya qoşunlarının vurduğu bütün zərərin” reyestrini özündə əks etdirən sistemin yaradılması planının hazırlanması planlaşdırılır ki, daha sonra “Rusiya məsuliyyətə cəlb olunsun və zərərçəkənlərə kompensasiya ödənilsin”.

Britaniyanın baş naziri Rişi Sunak deyib: “Reyestr Ukraynada törədilən cinayətlərə görə məsuliyyəti təmin etmək üçün yaradılmış bir sıra beynəlxalq təşəbbüslərdən yalnız biridir”.