Azərbaycan Respublikasının Rusiyanın müvəqqəti(!) nəzarətində qalan hissəsindəki separatçı-terrorçu rejimin qondarma “dövlət naziri” Qurgen Nersisyan mayın 21-də Kəlbəcər rayonunun işğal altındakı Həsənriz(erm.“Aterk”) kəndi və Tərtər rayonunun Ağdərə şəhərlərində olub.

Regionxeberlericom.az moderator.az-a istinadla xəbər verir ki, “Armenpress”-in yaydığı məlumata görə, qondarma “nazir”in səfərində məqsəd “sosial-iqtisadi və digər məsələlərin müzakirəsi üçün əhali ilə görüşlər və fərdi qəbullar olub”.

“Blokadanın yaratdığı vəziyyəti və hökumətin həyata keçirdiyi planları” təqdim edən Qurgen Nersisyan “çətinliklərə rəğmən Artsax xalqının azadlıqsevər iradəsinin və ruhunun qırılmamasından” dəm vurub.

“Separatçı “dövlət naziri” “yolüstü Sərsəng su anbarının vəziyyəti ilə tanış olub” və yenə də “guya Azərbaycanın Qarabağdakı ermənilərin “elektrik enerjisi təchizatını pozmaqla enerji və ekoloji terrorizmi davam etdirməsi” haqda böhtan və hədyanlar səsləndirib.