Azərbaycan, Ermənistan və Rusiya baş nazirlərinin müavinlərinin sədrlik etdiyi üçtərəfli işçi qrupu Moskvada işə başlayıb.

Bu barədə Rusiya baş nazirinin müavini Aleksey Overçukun mətbuat katibi Andrey Matveyev “İnterfaks” agentliyinə məlumat verib.

O bildirib ki, qrup üç ölkə liderlərinin ötən həftə Rusiyada keçirilən görüşündə dövlət başçılarının verdiyi tapşırıqlara uyğun olaraq toplaşıb.

Onun sözlərinə görə, baxılacaq məsələlər Azərbaycan və Ermənistan arasında sərhədin keçmə modallığı ilə bağlı texniki detallara aiddir.