İran daha bir Azərbaycan vətəndaşını casusluq ittihamı ilə saxlayıb. 

Regionxeberlericom.az "Mouze" teleqram kanalına istinadən xəbər verir ki, təxminən iki il 6 ay əvvəl İranda həbs edilən Azərbaycan vətəndaşı Validə Yusifova Evin həbsxanasının qadınlar bölməsində saxlanılır.

Validə Yusifova həbs edildikdən sonra ilk olaraq Ərdəbil, daha sonra isə Təbrizdəki təhlükəsizlik müəssisələrindən birinin təcridxanasına köçürülmüşdür. Təxminən üç ay təkadamlıq kamerada saxlanılmış, dindirildikdən sonra Tehrandakı Evin Həbsxanasındakı 2-A Palata kimi tanınan SEPAH Kəşfiyyat Təcridxanasına köçürülüb.

Validə Yusifova dindirilmə prosesi bitdikdən sontra Evin həbsxanasının qadınlar şöbəsinə köçürülüb.

31 yaşlı Validə Yusifova Tehran İnqilab Məhkəməsinin 15-ci şöbəsinin müdiri, hakim Əbülqasim Salvati tərəfindən “casusluq” və “narkotik ticarəti” ittihamı ilə mühakimə olunub. O, həbs olunmazdan əvvəl Bakıda gizli agent fəaliyyəti ittiham edilib. 

Həmçinin o, ailəsi ilə əlaqə saxlamaq hüququndan məhrum edilib.