Ermənistan bölgədə daha bir ekoloji fəlakətə yol aça bilər.

Regionxeberlericom.az Xəzər Xəbər-ə istinadən xəbər verir ki, bu ölkə indi də Naxçıvanla sərhəddə sərhədimizə yaxın bir yerdə böyük metallurgiya zavodu inşa edir.

Zavod Naxçıvanla həmsərhəd bölgədə, Türkiyə ilə sərhədə yaxın ərazidə - Arazdəyəndə ABŞ sərmayəsi ilə inşa olunur.

"Azərbaycanın məsələ ilə bağlı indidən həyəcan təbili çalmağa haqqı var."

Ermənistan Finlandiyanın Espo şəhərində imzalanmış "Transsərhəd kontekstində ətraf mühitə təsirin qiymətləndirilməsi haqqında Konvensiya"nın şərtlərinə görə, zavodu tikməzdən əvvəl qonşu ölkələrlə  məsləhətləşməlidir.

Azərbaycan da, Ermənistan da Espo konvensiyasına qoşulub. Əgər Ermənistan konvensiyanın şərtlərinə əməl etməzsə, ona qarşı iddia qaldırıla bilər.