"Bütün müttəfiqlər razılaşdıqda və lazımi şərtlər yerinə yetirildikdə, NATO Ukraynanı alyansa qoşulmağa dəvət edəcək".

Bu barədə NATO-nun baş katibi Yens Stoltenberq Vilnüsdə keçirilən sammit zamanı baş tutan mətbuat konfransında bildirib.

O əlavə edib ki, Ukrayna üçün alyansa üzvlüklə bağlı fəaliyyət planı ləğv ediləcək, nəticədə NATO-ya üzv olmaq üçün iki addım yerinə yalnız bir addım atacaq.

Stoltenberq qeyd edib ki, hazırda ən aktual vəzifə Ukraynanın müharibədə qələbəsinə nail olmaqdır.

"Biz 2008-ci il Buxarest sammitində Ukraynanın NATO-ya üzv olması ilə bağlı üzərinə götürdüyümüz öhdəliyi bir daha təsdiqləyirik", - Alyans üzvlərinin bəyanatında deyilir.