Azərbaycan Texnologiya Universitetinin İnsan resursları şöbəsinin müdiri vəzifəsinə yeni təyinat olub.

Regionxeberlericom.az APA-ya istinadla xəbər verir ki, bu vəzifəyə İlham Əlizadə təyin edilib.

Qeyd edək ki, İlham Hacıbaba oğlu Əlizadə bundan əvvəl müxtəlif dövlət qurumlarında və sənaye müəssisələrində işləyib. Gəncə şəhər İcra Hakimiyyəti Aparatında müxtəlif vəzifələrdə (mütəxəssis, baş məsləhətçi, şöbə müdiri, İcra Hakimiyyəti Başçısının birinci müavini), Gəncə şəhər Kəpəz və Nizami bələdiyyələrində isə hüquq şöbəsinin müdiri vəzifəsində çalışıb

Həmçinin, BP Azərbaycan şirkətinin məsul şəxsi, Cənubi Qafqaz Boru Kəmərinin Genişləndirilməsi Layihəsində baş koordinatoru, indiyədək isə “Simurq Kompani” Səhmdar Cəmiyyətində hüquq və insan resursları şöbəsinin müdiri olub.