Rusiya Prezidenti Vladimir Putin “Valday” Diskussiya Klubunun plenar iclasında Azərbaycanın Ruben Vardanyanın və digər “keçmiş lider”lərin saxlanmasına münasibət bildirib.

O, Vardanyanın Rusiya vətəndaşlığından imtina etməsini bildirib.

“Bildiyiniz kimi, mən Prezident Əliyevlə (İlham Əliyev – red.) telefonda danışmışam. Amma biz bu barədə əvvəllər də danışmışıq... o, məni əmin etdi ki, nə olursa olsun, Qarabağın erməni əhalisinin təhlükəsizliyini və hüquqlarını təmin edəcək”, - Putin bildirib.

Rusiya başçısının sözlərinə görə, indi orada erməni qalmayıb, hamı gedib:

“Orada artıq erməni yoxdur, bəlkə 1000-1500 nəfərdir. Bu qədər, orada heç kim yoxdur. Keçmiş “lider”lərə gəlincə, bilmirəm, təfərrüatlara varmaq istəmirəm, amma mən başa düşdüyüm qədərilə, onları İrəvanda görmək istəyən yoxdur”.