Gürcüstan parlamentinin 100-dən az üzvü Prezident Salome Zurabişvilinin istefaya göndərilməsinə səs verdiyi üçün impiçment baş tutmayıb. Beləliklə, deputatlar prezidentin uzaqlaşdırılması üçün lazımi səs toplaya bilməyiblər.

“Sputnik Gürcüstan” xəbər verir ki, səsvermənin nəticələrinə görə, 86 deputat prezidentin impiçmentinin lehinə, bir deputat əleyhinə çıxıb. Qalan deputatlar səsvermədə iştirakdan imtina edib. İmpiçment məsələsində müzakirədə iştirak etmək üçün 90 deputat qeydiyyatdan keçib,

Qeyd edək ki, prezidentin vəzifəsindən kənarlaşdırılması üçün o, 150 səsdən ən azı 100, yəni parlamentin üçdə ikisinin səsini almalıdır.