Fransa təkcə neokolonializm yox, həm də terror dövlətidir. Fransızlar heç zaman insanlığın yanında yer almayıb, hər zaman terrora dəstək veriblər.

Üstəlik, bu ölkənin siyasəti islamofobiya üzərində qurulub. Təsadüfi deyil ki, Fransa prezidenti Emmanuel Makron dünən Təl-Əvivə ayaq basan kimi antimüsəlman çağırışları etməyə və İsraili fələstinlilərə qarşı açdığı cəbhəni genişləndirməyə səsləyib.

Üstəlik, Makron “İsrailin təhlükəsizliyi” üçün İraq və Suriyada İŞİD terror təşkilatına qarşı mübarizə aparan beynəlxalq koalisiyanın Qəzza zolağında HƏMAS silahlı qruplaşması ilə mübarizəyə cəlb edilməsini təklif edib.

O, İsrailin baş naziri Benyamin Netanyahu ilə birgə mətbuat konfransında deyib ki, ABŞ-ın rəhbərlik etdiyi koalisiyanın bu mübarizəyə necə cəlb oluna biləcəyi ilə bağlı təklifləri var:

“HƏMAS-a qarşı amansız olmaq lazımdır. Bu istiqamətdə Fransa hər cür yardım etməyə hazırdır”.

Maraqlıdır ki, Makron səfəri çərçivəsində heç bir sülh təklifi səsləndirməyib. Bu da Makronun, bütövlükdə isə Fransa dövlətinin islamofobiya xəstəliyindən əziyyət çəkdiyinin göstəricisidir. Makronu Təl-Əvivə gətirən yəhudi sevgisi deyil, İslama olan nifrətdir. Məhz buna görə Fransa lideri sülhdən yox, müharibənin qloballaşmasından daha çox danışıb.

O, xristian dünyasının digər ərəb dövlətlərində olduğu kimi Fələstində də vahid cəbhədən çıxış etməsinin vacibliyini qeyd edib. Bu da o deməkdir ki, Qəzza bölgəsində günahsız qanlar hələ çox axıdılacaq. Təsadüfi deyil ki, rəsmi Vaşinqton da Makronla eyni fikirdədir.

Məlum olduğu kimi bir müddət əvvəl ABŞ Prezidenti Co Bayden də Yaxın Şərqdəki hadisələri şərh edərkən bildirib ki, “hələ müharibəni dayandırmağın vaxtı deyil”.

Qərb liderləri birmənalı şəkildə sülh danışıqlarından uzaq qaçırlar

Qərb İsraili daha iri miqyaslı müharibəyə təşviq edir. Onlar bu yolda Təl-Əvivə hərbi və iqtisadi yardım göstərməyə hazır olduqlarını bəyan edirlər. Siyasi və diplomatik dəstəksə ortadadır. Hazırda həm ABŞ-da, həm də Avropada Fələstinə dəstək nümayiş etdirən fərdlərə qarşı böyük basqı var. Məsələn, ABŞ-da yaşayan Fələstin əsilli model Cici Hadidi və əlcəzair əsilli futbolçu Kərim Benzemanı Qərbin rəsmi dairələri özlərinin “qara siyahısı”na salıblar.

Bu biabırçılığı edən məhz o dövlətlərdir ki, hər il başqa ölkələrdəki insan hüquq və azadlıqlarının boğulması ilə bağlı palaz-palaz hesabatlar hazırlayıb yayırlar. Amma bir kəlmə sözə görə Fransa siyasətçiləri Benzemanın əlindən bütün təltiflərini almağa çağırırlar. Bu da Qərbin, eləcə də Fransanın mahiyyətinin göstəricisidir. Qərb öz ölkələrindən başqa heç bir ölkədə nə sülhün, nə iqtisadi inkişafın, nə də ki, demokratiyanın olmasını istəmir. Və fürsət düşdükcə özlərinə “dost” hesab etmədikləri ölkələrin üstünə gedirlər.

HƏMAS-ın son hücumu qəfil və gözlənilməz olduğu qədər təəccüblüdür

Necə ola bilir ki, uzaq tayqa meşələrində və yaxud Afrika cəngəlliklərində milçək uçmasından qabaqcadan xəbərdar olan Qərbin ən güclü kəşfiyyat orqanlarının HƏMAS kimi başıpozuq bir dəstənin hücumundan xəbərləri olmadı?! Üstəlik, nəyə görə HƏMAS hərbi yox, mülki obyektlərə hücum etdi?! Eyni zamanda, İsrail ordusunun nəzarət zonasına basqın edən HƏMAS döyüşçüləri yüzlərlə mülki əhalini asanlıqla girov götürüb. Və bu böyüklükdə əməliyyatdan heç kimin xəbəri olmayıb.

Heç inandırıcı görünmür.

İnandırıcı gələnsə odur ki, HƏMAS-ın hücum planının arxasında Qərb kəşfiyyatı dayanıb. Ona görə də sona qədər hücum planı gizli saxlanılıb və hərbi obyektlər yox, mülki əhali hədəf götürülüb. Əslində bu hücum planının bir məqsədi Ukrayna-Rusiya müharibəsini arxa plana atmaq və xristian-müsəlman müharibəsini ön plana keçirməkdir. HƏMAS-ın mülki əhalini, xüsusən də beynəlxalq tədbirin keçirildiyi ərazini hədəfə almasında məqsəd xristian və digər qeyri-müsəlman dövlətlərində islamofobiyanı daha güclü şəkildə alovlandırmaqdır.

Qərb sülhə, yoxsa müharibəyə “hə” deyir?

Hadisələrin sonrakı inkişafı da göstərdi ki, müharibənin uzunmüddətli və irimiqyaslı olmasında Qərb çox maraqlıdır. Təsadüfi deyil ki, ABŞ, Fransa, Almaniya və digər böyük dövlətlərin rəsmiləri də bu istəklərini gizlətmirlər. Bu isə insanlığı tapdalamaqdan və dinlərarası nifrəti gücləndirməkdən başqa bir şey deyil.

Qərbin anti-İslam planları təkcə İordan çayı sahilləri ilə kifayətlənmir.

Qərbin bu sahədə çox məkrli və çirkin planları var. Bu çirkin planlardan biri də Cənubi Qafqazla bağlıdır. ABŞ və Fransa açıq şəkildə Ermənistana hərbi və siyasi dəstək verərək Azərbaycana qarşı müharibə planları qururlar. Son 2 ayda həm ABŞ, həm də Fransa Ermənistanla hərbi əməkdaşlığı xeyli genişləndirib. Fransa hətta Ermənistanın hava məkanının mühafizəsini öz üzərinə götürür. Bu isə Azərbaycanın sülh və regional inkişaf planları ilə tərs mütənasibdir.

Qərbin Cənubi Qafqazla bağlı planı iflasa məhkumdur

Çünki Azərbaycanın yürütdüyü davamlı və qətiyyətli siyasət regionun inkişafına töhfə verir. Bütövlükdə region dövlətlərini siyasi-iqtisadi fəlakətlərdən sığortalayır. Ona görə də Qərbin Cənubi Qafqaz planı quru xəyaldan başqa bir şey deyil.

Lakin Qərb Yaxın Şərqdə çox qanlar tökəcək. Bəlkə də tarixdə heç zaman bənzəri görülməmiş dini müharibənin də əsası qoyulacaq...