“Bizim İsrailə borcumuz yoxdur, borcu olanlar sərbəst danışa bilməz”.

Regionxeberlericom.az  “TRT Haber”ə istinadən xəbər verir ki, bu fikirləri Türkiyə Prezidenti Rəcəb Tayyib Ərdoğan Almaniya kansleri Olaf Şoltsla keçirdiyi mətbuat konfransı zamanı deyib.

“İsrail-Fələstin müharibəsini borcluluq psixologiyası ilə qiymətləndirmək olmaz. Bax, mən sərbəst danışıram. Çünki bizim İsrailə heç bir borcumuz yoxdur. Əgər borcumuz olsaydı, bu qədər sərbəst danışa bilməzdim. Amma borcu olanlar sərbəst danışa bilmirlər. Mən antisemitizmlə bağlı mövqe tutan ilk liderəm. Ona görə də heç kimə borcumuz yoxdur. İndi təbii ki, biz bu səfərdə bunlardan danışacağıq, lakin bütün bunlarla yanaşı, danışmağımız lazım olan vacib bir məsələ də bunu necə həll edəcəyimizdir. Maraqlıdır, Türkiyə və Almaniya humanitar atəşkəsə nə qədər töhfə verə bilər? Bu addımları birlikdə necə ata bilərik? Bu yer vacibdir. Bir həftə sonra cənab Ştaynmayer İsrailə gedir. Ondan xahiş etdim ki, gəlin birlikdə bu atəşkəsə nail olaq. Əgər biz bu addımı atıb Almaniya və Türkiyə ilə birlikdə belə humanitar atəşkəs yarada bilsək, bölgəni bu atəş halqasından xilas etmək imkanımız ola bilər”, - deyə Ərdoğan bildirib.