Böyük Azərbaycan Partiyasının (BAP) sədri Elşad Musayevin prezidentliyə namizədliyi irəli sürülüb.

Bu barədə qərar BAP Siyasi Şurasında qəbul edilib.

Məlumat üçün bildirək ki, Elşad Musayev siyasi fəaliyyətinə Azərbaycan Milli İstiqlal Partiyasında (AMİP) başalayıb. Elşad Musayev ötən sərin 90-cı illərində AMİP-in baş katibi olub. AMİP-dən ayrıldıqdan sonra – 2005-ci ildə Elşad Musayev BAP-ı təsis edib.

Onu da bildirək ki, bir neçə il əvvəl Elşad Musayevin adı qızlarının Türkiyədəki uğura ilə gündəm olub. Belə ki, partiya sədrinin Günel adlı qızı Türkiyənin Bahçeşehir Universitetini birinciliklə başa vurub və o “Altın beyin” fəxri mükafatı ilə təltif edilib. Elşad Musayevin digər qızı Xeyrənsə Musayeva isə universiteti üçüncülüklə başa vurub.

Qeyd edək ki, daha əvvəl Yeni Azərbaycan Partiyası (YAP) İlham Əliyevin, Böyük Quruluş Partiyası (BQP) isə Fazil Mustafanın prezidentliyə namizədliyini irəli sürüb. Eyni zamanda, Sosial Tədqiqatlar Mərkəzinin (STM) sədri, deputat Zahid Oruc da prezident seçkilərində namizəd olacağını açıqlayıb.