Kolorado Ali Məhkəməsi ABŞ-nin keçmiş lideri Donald Trampın 2024-cü ildə prezidentliyə namizədlik üçün Respublikaçılar Partiyasından olan yerli namizədlərlə mübarizə aparmasını qadağan edib.

Müvafiq sənəd orqanın elektron məlumat bazasında yerləşdirilib.

Eyni zamanda, noyabr ayında Kolorado məhkəməsi, Kapitoliyə hücumda oynadığı rola baxmayaraq, Trampa “ştatın əsas səsvermə bülletenində qalmasına” icazə verən hökm çıxarıb.

Qeyd edək ki, 6 yanvar 2021-ci ildə o zaman Amerika lideri olan Trampın tərəfdarları 2020-ci ilin noyabrında keçirilən prezident seçkilərinin nəticələrinin təsdiqlənməsinə mane olmaq üçün ABŞ Konqresinin binasına soxulublar. Bina daxilində iğtişaşlar zamanı polis bir etirazçını güllələyib və öldürüb.

Daha sonra xüsusi prokuror Cek Smit Trampa qarşı dörd maddə üzrə ittiham elan edib. Amerika administrasiyasının keçmiş rəhbəri faktiki olaraq 2020-ci il seçkilərindəki məğlubiyyətə baxmayaraq, qanunsuz hərəkətləri ilə hakimiyyəti saxlamağa cəhd etməkdə ittiham olunur.