Qazaxıstan Prezidenti Kasım-Jomart Tokayev Prezident administrasiyasının keçmiş rəhbəri Oljas Bektenovu respublikanın baş naziri təyin edib.

Bu barədə dövlət başçısının mətbuat xidməti məlumat yayıb.

“Oljas Abayeviç Bektenov əvvəllər tutduğu vəzifədən azad edilərək, Qazaxıstan Respublikasının Baş naziri təyin edilsin”, - prezidentin müvafiq sərəncamında deyilir.

Qeyd edək ki, daha əvvəl keçirilən iclasda Məclisin (parlamentin aşağı palatası) deputatları səs çoxluğu ilə Bektenovun hökumət başçısı vəzifəsinə namizədliyinə razılıq vermişdilər.